PEKIN

Zer da
Pekin?

Pekin irabazi asmorik gabeko herritar elkarte bat da.

Herrian errotutako proiektuak sustatu nahi ditugu , batez ere tokiko ekonomiaren, ostalaritzaren eta kulturaren esparruan. Proiektuak modu kolektiboan bultzatu eta kudeatzeko espazio bat sortu nahi dugu, betiere herriaren onura eta gure balioak erdigunean jarrita.

Ez dugu negozio bat bakarrik babestu nahi. Herriaren parte diren proiektuak sortu eta zaindu nahi ditugu. Herri jabetzak sortuko ditugu.

Pekin izena Orereta/Errenteriako erreka eta fabrika ezagunetik dator. Gure herriaren memoriari egindako keinua da, baina baita etorkizuna gure esku hartzeko gonbidapena ere.

BLOGA

FAQ

Reyna Oreretako leku berezia da. Haren kideek erretiroa hartzeko garaia iritsi zitzaiela jakinarazi zutenean, hainbat herritar elkartu ginen tabernaren etorkizunari buruz pentsatzeko. Horrela sortu zen Reyna berria.

Tabernak aurrera jarraitzea nahi dugu, baina modu berri batean: herritarren babesarekin, ikuspegi kolektiboarekin eta etorkizunera begira.

Pekin Elkarteak proiektuaren kapitala jarriko du eta kudeaketa talde profesional baten esku egongo da eguneroko jarduna.

Gure herrian errotutako proiektuak sortu nahi ditugu. Horretarako, gure ekimenek honako printzipio hauek izango dituzte oinarri:

Herriari begirako proiektuak

Herriko tabernak eta establezimenduak modu kolektiboan sustatu eta kudeatzea, haien jarduna herriaren onurarako izan dadin.

Lan baldintza duinak

Proiektu bideragarriak sortzea, baina beti lan baldintza duinak eta bidezkoak erdigunean jarrita.

Produktu eta zerbitzu zaindua

Kalitatea, gertutasuna eta zaintza gure proiektuen parte izango dira.

Euskara eta herriaren kultura

Zerbitzu euskalduna ematea eta, ezin denean, euskalduntzeko bitartekoak eskaintzea.

Herriaren parte izatea

Herriko gainontzeko dinamika, ekimen eta eragileekin elkarlanean aritzea.

Etekina berriro herrian inbertitzea

Proiektuak ekonomikoki bideragarriak eta errentagarriak izango dira. Baina sortutako etekinak ez dira norbanakoen irabazi bihurtuko: proiektu berriak sortzeko edo herriko dinamiketan inbertitzeko erabiliko dira.

Pekin Elkartea herritarren ekarpenekin sortuko da.

Ekarpen horiei esker, gure balioekin bat datozen proiektuak abian jartzeko kapitala izango dugu. Proiektu bakoitza profesionalki kudeatuko da, eta elkarteak haien jarraipena egingo du, proiektuaren helburuak eta printzipioak betetzen direla bermatzeko.

Pekinen eguneroko lana hainbat talderen bidez antolatuko da:

  • Reynaren kudeaketa taldea
  • Kultur programazio taldea
  • Proiektu berrien taldea

Erabaki nagusiak, berriz, elkarteko bazkideen esku egongo dira.

Bi bazkide mota egongo dira:

Bazkide sortzailea

1.000 €ko ekarpena

Pekin Elkartearen hasierako kapitala osatzen lagunduko duzu eta proiektuaren lehen urratsak babestuko dituzu.

Bazkidea

100 €ko ekarpena

Elkartearen parte izango zara eta Pekinen proiektu eta erabakietan parte hartzeko aukera izango duzu.

2027tik aurrera, bazkide guztiek urteko 50 €ko kuota ordainduko dute.

Ekarpena egiteko epeak

  • Bazkide sortzaileak: irailaren 15a baino lehen
  • Bazkideak: 2026ko abenduaren 16ko Sortze Batzar Orokorra baino lehen
  • Ekarpena batzarrean bertan ere egin ahal izango da.

Pekinen bazkide egitea ez da dirua jartzea bakarrik. Herriaren etorkizunean parte hartzea da.

Zure ekarpenarekin:

  • Reyna berriaren etorkizuna babestuko duzu.
  • Herrian sortutako proiektu kolektiboak sustatzen lagunduko duzu.
  • Ideiak proposatzeko eta ekimen berriak bultzatzeko espazio baten parte izango zara.
  • Herriaren proiektuak herritarren esku egon daitezen lagunduko duzu.

Oreretak behar dituelako bere proiektuak.

Reyna berria abiapuntua da.

Etorkizunean, gure helburu eta balioekin bat datozen proiektu berriak sustatu nahi ditugu. Ostalaritzan, kulturan eta herriaren bizitzarekin lotutako beste esparru batzuetan.

Ez dakigu oraindik zein izango den hurrengo proiektua. Baina badakigu nola egin nahi dugun: herritik, kolektiboki eta elkarrekin.

BAZKIDETU